Mangisursuro iti Siudad ti Laoag, naisayangkatan ti Drug-Buy-Bust Operation

iFM Laoag – Naarestar ti maysa a maestro kalpasan a naisayangkatan ti drug-buy-bust operation iti passet ti Barangay 7- B iti Siudad ti Laoag.

Nabigbig ti suspek a ni Mr. Jeffrey Agliam, maysa a mangisursuro iti Ilocos Norte College of Arts and Trades (INCAT) ken residente iti nasao a lugar ken kabsat ni Kapitan Joel Agliam.

Narekobre iti ikot ti suspect iti sangapulo (10) a sachet ti maipagarup a shabu ken sangaribo a pisos a kwarta, cellphone ken daduma pay.


Awan met iti record iti barangay a karaman ni Agliam iti Drug watch list basar ken ni Kagawad Edison Valdez iti nasao a barangay.

Naglikodan met ni Agliam iti nasao nga akusasyon.

Sumangsango isuna ti kaso a panaglabsing iti Section 5 (panaglako) ken Section 11 (panagikot) iti R.A. 9165 wenu comprehensive dangerous drugs act of 2002. (Bernard Ver, RMN News)

Facebook Comments