Patay ang isa ka mangunguma sa nagluntad nga pagpangluthang sa banwa sang Tupi, alas 5:30 sang Disyembre 5, 2020.
Ginkilala ang biktima kay Allan Gula Joloro, 45 –anyos, kag residente sang Brgy. Crossing Palkan, Polomolok, South Cotabato.
Sa imbestigasyon sang Tupi MPS naglawig sang iya nga baka ang biktima sang tiruhon sang makapila ka bes sang wala nakilal-an nga mga suspek.
Nakaangkon sang pilas sa likod nga bahin sang iya nga ulo ang biktima nga nangin tunaan sang iya hinali nga kamatayon.
Gilayon naman nga nakapalagyo ang mga suspek sa wala nahibaluan nga direksyon.
Nakuha naman sa natabuan sang insidente ang duha ka basyo kag 2 ka live ammunition sang kalibre 45 nga armas luthang.
Sa subong nagapadayon ang imbestigasyon sang kapulisan sa nasambit nga insidente.
