Mangunguma patay matapos sungayon sang iya karabaw sa Koronadal City.

Nasapwan nga wala na sang kabuhi ang isa ka mangunguma, matapos nga sungayon sang karabaw sa Purok Riverside, Brgy. Cacub, Koronadal City, kahapon sang aga, Abril 28, 2021.
Ginkilala ang biktima kay Tranquilleno Avenido Calaque, 81-anyos, may-asawa kag residente sang nasambit nga lugar.
Sa imbestigasyon sang Koronadal CPS isa ka Daniel Cabellon ang nakakita sa bangkay sang biktima nga duguon kag may pilas sa mga nagkalain nga parte sang iya nga lawas nga nangin tunaan sang iya nga kamatayon nga ginapatihan ginsungay sang iya nga karabaw.
Base sa mga testigo bag-o pa man ang insidente nakit-an nila ang biktima nga nagaarado sa uma sini kag nasapwan nga patay malapit sa iya karabaw nga nakaangot pa ang arado kag may dugo sa sungay sini.

Facebook Comments