Mangunguma, patay matapos tiruhon sa Lake Sebu, South Cotabato.

34

Patay ang isa ka persona, matapos nga tiruhon sa Sitio Pulo Subong, Barangay Ned, Lake Sebu, South Cotabato, alas 6:30 kagab-i, Nobyembre 16, 2020.
Ginkilala ang biktima kay Antonio Panaguiton Cabrito, 33 –anyos, mangunguma kag residente sang Sitio Fidaw, Barangay Ned , Lake Sebu, South Cotabato.
Sa imbestigasyon sang Lake Sebu MPS ang biktima ang papauli na sa ila puluy-an sakay sa iya kabayo sang tiruhon sang wala nakilal-an nga suspek gamit ang wala nahibaluan nga kalibre sang armas luthang.
Nakaangkon sang madamo nga igo sang bala ang biktima sa likod nga bahin sang iya nga lawas nga nangin tunaan sang iya nga kamatayon.
Sa subong padayon ang imbestigasyon sang kapulisan sa nasambit nga insidente kag posible pagkaaresto sang suspek.

Facebook Comments