Padayon karon ang manhunt nga ginapatigayon batuk sa isa ka inmate nga nagpalagyo las 3:40 kaina sang kaagahon halin sa custodial facility sang Police Station 2.
Ang suspek nga si James Brisuela, legal ang edad ang gin-detain sa PS2 matapos nga ini ang nadakpan sadtong May 4, 2020 bangud sang kaso sa illegal drugs.
Suno sa imbestigasyon, ang ang suspek nag-gamit sang tualya sa iya pagpalagyo kon diin ini ang iya ginhigot sa rehas nga naka-agi welding kag gin-pwersa nga butungon tubtub nga ini ang nahukas.
Siling sang pulis, may isa ka inmate nga naka-kita sa suspek durante nga ini ang iya ginahimo apang nahadlok siya magpanugid bangud nga ginatulok siya sang suspek.
Sa amo nga tion, ang jail on duty ukon desk officer sa Station 2 amo si Police Staff Sgt. James Celeste samtang ang manhunt ginapangunahan naman ni Police Major Garry Allan Resuma.
[image: image.png]
