Maning Francisco sa Ozamis City uban sa iyang pamilya nasikop didto sa Ilocos Region.

524

Sikop ang tiya sa napatay nga si Ozamis City Mayor Reynaldo Parojinog ug duha pa niini ka mga kaliwat sa usa ka check point didto sa San Fernando, La Union, pinaagi kini sa arrest warrant gikan sa Ozamis City, Regional Trial Court 10th Judicial Region Branch 15 Judge Edmundo P. Pintac, penetsahan ug Feb 6, 2018 sa paglapas sa Republic Act 9165 Comprehensive on Dangerous Drugs Act

Arestado si Rizalina Peque Francisco, 54 uban sa iyang bana nga si Manuelito “Maning Lapad” Francisco, 57 ug ang ilang anak nga si June Omboy Francisco, 31.

Matod pa ni Supt. Jovie Espenido, hepe sa Ozamiz City Police, si Manuelito lider sa Dragon Francisco Group nga usa matod pa ka organized crime group sa Misamis Occidental.

Gibutyag usab ni Senior Insp. Dennis Tano, deputy chief of police, kanhi miyembro sa Kuratong Baleleng Group si Manuelito.

Pero matod ni Chief Supt. Romulo Sapitula, direktor sa Police Regional Office 1, si Manuelito gituohang co-founder sa Kuratong Baleleng Group nga may kalambigitan sa pagpangawat, pagbaligya ug ilegal nga droga ug extortion.

Wanted matod pa ang tulo sa kasong illegal possession of firearms, ammunition and explosives matod pa sa mga awtoridad.

Naa kustodiya sa San Fernando Police Station ang mga person of interest.

Kasamtangang Ozamiz City Councilor si Rizalina, samtang kanhi barangay chairman sa San Roque, Ozamiz City ang anak niini nga si June.

Kahinumduman hulyo 30, 2017 napatay sa mga pulis si Ozamis City Mayor Reynaldo Parojinog sulod mismo sa iyang panimalay lakip na ang 14 ka mga sakop niini sa gihimong operasyon sa kapulisan sa ozamis sa pagpanguna ni Jovie Espinido.

Facebook Comments