Kalibo, Aklan- Uwa it dapat nga ikasubo ro mga mahilig magkaon it manok o itlog dahil safe nga kan-on do mga daya basta bukon it halin sa Luzon.
Daya do ging klaro ni Department of Agriculture (DA) 6 Executive Director Remelyn Recoter sa daya nga istasyon matapos nga pilang ka mga Aklanon ro nagka-baeaka bangod ngani sa bird flu outbreak makaron sa Pampangga.
Suno kara basta do manok nga gina eaha hay halin eamang iya sa Aklan o sa Visayas ag Mindanao hay eowas raya sa outbreak bangod nga do dayang mga lugar hay uwa ha eabot sa circular nga ging paguwa it DA.
Ging klaro man it Director nga ro pilang ka tray nga balut nga ging papanaog sa Caticlan Jetty Port sakay it Roro hay ging pabalik eon sa Batanggas kung siin daya mismo halin.
Dugang pa ni Recoter nga strikto anda nga pagmonitor makaron sa mga naga suoed nga manok sa Western Visayas sa bulig it mga taga Quarantine ag sa pag-activate man sa mga taga Veterinary Office.
Samtang sa makaron hay indi paman suno kara mag kueang do suplay it manok sa Region 6 bangod nga sarang man mag suplay ro mga poultry farm sa Iloilo ag sa Bacolod.
