Manuktukay og balay naabot na sa lungsod sa Molave?

58

Molave, Zamboanga del Sur – Aminado ang mayor sa lungsod sa Molave nga nakabasa na sila sa mga post diha sa Social Media nga naabot na sa lungsod sa Molave ang “toktok” o manuktukay sa pultahan sa balay.
Gi-agda ni Mayor Cyril Glepa ang mga taga-Molave nga kun tinuod ang impormasyon nga dunay manuktukay sa ilang lugar mas maayo nga itaho ngadto sa Police Station aron mahatagan og aksyon ug dili lang sa Facebook mag-post.
Sa pagkakaron wala pay complaints nga naabot sa PNP Molave labot sa nisiaw nga”toktok” apan daghan na ang naalarma sa ilang lugar.
Iya usab nga gihangyo ang mga nisakay sa panahon nga undangon ang maong trip sa panuktok inig kagabie.
Nagpahimanong na usab sila sa publiko nga isave ang PNP hotline aron didto modrecho og text or tawag kanila para matabangan lakip ang pagpanalipod pinaagi sa pagsirado sa pultahan ug, pasigaon ang suga.

Facebook Comments