Nagahulat ang Mandurriao PNP sa plano sang pamilya kon mapasaka kaso kontra sa kontraktor sang SM Strata Building.
Nahibaluan nga kahapon nahulog ang cement equipment halin sa mataas nga building sang SM Strata nga nag deretso sa second floor kag ginlusbot ang cemento sa second floor kabangdanan nga nadagdagan ang dispatcher sang Leganes nga jeep. Nagapuesto ang menor de edad nga biktima malapit sa hagdanan sang overpass sang hinali nga humuganas ang amo nga equipment kag natup-an ang iya tiil kag nautod gid.
Nagapabilin nga confined sa Iloilo Doctor’s Hospital ang biktima. Suno sa impormasyon nga gina monitor sang tagdumalahan sang SM City Iloilo management ang ginahatag nga assistance sang kontraktor nga New City Builders para mapasiguro nga ginahatag ang tanan para sa kinahanglanon sang biktima sa ospital.
