MAPINTAS NGA KILAT | Duha ka persona, gin-igo sang kilat sa banwa sang Jamindan; Isa ang patay samtang isa ang padayon nga ginabulong!

Jamindan, Capiz – Patay na sang gindangat sa ospital ang 30- anyos nga mangunguma matapos naigo sang kilat sa Sitio Nag-uring Barangay Agambulong, Jamindan, Capiz.

Ginkilala ang napatay nga biktima kay Novi Eleuterio, residente sang Barangay Agcococ, Tapaz, Capiz.

Samtang pilason naman si Joey Laraya, 20- anyos ang pang-edaron sang Barangay Caidquid, Mambusao, Capiz kag padayon pa nga ginabulong sa ospital.


Base sa imbestigasyon sang Jamindan PNP, magkaupod nga nagpanilong ang mga biktima sa isa ka kapilya sang hinali na lamang ang mga ini sang kilat. Nag-angkon ang mga ini sang mga paso sa ila lawas.

Gilayon nga gindala sa Mambusao District Hospital ang mga biktima, apang isa sa ila ang ginbawian sang kabuhi.

Facebook Comments