Marijuana a-pumar

Maga pulis ya confisca marijuana con dos maga persona durante don el aresto canila na Pasonanca del Sabado por la tarde.
El pulis ya nombra con el dos como canda Mark Francis Napolereyes Baniel, 18, soltero de Toriven Drive, Pasonanca y si Leon Ben Bernos Abellaneda, 20, soltero de Blue Homes, Pasonanca.
Na report del pulis ta aparese taman patrulia el maga pulis na Sitio Muruc, Pasonanca banda alas 4:25 del tarde cuando ya columbra sila con el dos suspechoso el maga movimiento.
Cuando ya chequia canila, ya puede recobri el maga pulis el 13 maga paquete de marijuana ya maga cosa ta usa para puma marijuana.
Con el dos dayun ya lleva na estacion del Sta. Maria donde ya detene canila mientras ta prepara el caso que ay planta canila na corte.

Facebook Comments