Masobra 14 mil ka indigents nakabaton bugas sa banwa sang Murcia

44

Kapin 14,900 ka mga indigents ang ginhatagan sang bugas sang banwa sang Murcia samtang epektibo sa karun ang Enahnced Community Quarantine (ECQ).

Pinaagi sa Metro Third COVID Alert, ginpahayag ni Murcia Mayor Jerry Rojas nga ang 14,900 indigents ang ila ginhatagan sang 5 kilos sang bugas.


Nagalaom man ang alkalde nga magtayuyon ang kooperasyon sang pumuluyo tubtob nga matapos ang implementasyon sang ECQ sa Abril 14, 2020.

Samtang, ginkumpirmar ni Mayor Rojas nga nagpadala na ang Negros Occidental Police Provincial Office (NOPPO) sang 8 ka pulis bilang augmentation sa ila checkpoints matapos ang shootout sa Brgy. Minoyan sang Marso 26 kun sa diin napatay ang kagawad nga si Rex Dalmacion kag isa ka suspetsado nga si Junel Cardinal.

Nagpadala man sang augmentation force ang 303rd Infantry Brigade (IB) Philippine Army kasunod sang insidente.

[image: image.png]




Facebook Comments