Masobra 16k ka indibidwal nahatagan sang ayuda sa idalom sang crisis intervention sang DSWD 12.

16

Nagalab-ot sa masobra 16 thousand ka mga individuals ang nahatagan sang ayuda sang Department of Social Welfare and Development ukon DSWD 12 sa idalom sang Assistance to Individuals in Crisis Situation (AICS) halin Enero subong nga tuig.
Suno kay Naira Aratuc, chief sang DSWD protective services division nagalab-ot sa P83, 584, 492.73 sa medical, transportation, burial kag food assistance ang nahatag sa mga pumuluyo sa rehiyon nga kadam-an ang apektado sang COVID-19 pandemic.
Ginkumpirmar man ni Aratuc nga ang daku nga bahin sang nasambit nga kantidad nagkadto sa medical assistance nga naglab-ot sa P70, 622, 328.81, ginasundan sang burial assistance nga nagakantidad sa P7, 145, 030.
Paklaro pa sini nga ang Indigent families ang naidentify sa idalom sang government’s National Household Targeting System for Poverty Reduction ang prayoridad sa nasambit nga intervention.
Ginsiguro niya man nga padayon ang paghatag sang ayuda sang DSWD 12 sa mga residente sa rehiyon nga nagakinahanglan sang bulig.

Facebook Comments