Masobra 300 ka mga salakyan nga wala ginkuha sang tag-iya isubasta sang LTO-12.

21

Natalana nga isubasta sang Land Transportation Office (LTO)-Region 12 ang yara sa 300- 400 ka mga salakyan nga kadam-an motorsiklo kag iban pa nga nakumpiskar sa operasyon tungod sa mga nagkalain-lain nga bayolasyon kapareho sang wala sang rehistro, invalid ang registration kag iban pa nga pagbayolar.
Sa subong suno kay LTO 12 Regional Director Macario Gonzaga padayon ang ginapatigayon nga inventory sa nasambit nga mga salakyan sa siyam ka district kag satellite offices nila sa rehiyon.
Sakop sang auction ang mga nakumpiskar nga public utility vehicles nga wala ginkuha sang tag-iya sa masobra na anum ka bulan.
Pahayag pa ni Gonzaga nga ginmando na niya sa mga field offices nga isaylo na sa ila nga regional office compound sa Koronadal City ang tanan nga behikulo nga isubasta.
Sa oras nga handa na ang mga salakyan, gilayon nga ipoproseso ang mga kinahanglanon nga mga dokumento para sa bidding process.
Magadepende naman suno pa sa “model” kag kalidad sang mga salakyan ang presyo sang mga ini, sundon man ang price ceiling nga gintalana sang Commission on Audit.
Ang pagsubasta ang lakip sa mga remedyo nga ginapahanugutan sang balaud para sa disposal sang mga unclaimed motor vehicles.

Facebook Comments