Nagalab-ot sa 513,342 ka mga indibidwal ang nabakunahan batok COVID-19 sa Soccsksargen Region sa ginpatigayon nga three-day nationwide vaccination drive halin Nobyembre 29 tubtob Disyembre 1, suno kayDr. Edvir Jane Montañer, immunization program head sang Department of Health 12 sa ginpatigayon nga Regional Vaccination Operations Center meeting.
Base sa datos sang Vaccination Operations Reporting System (VORS) sang Disyembre 6, suno kay Dr. Montañer naglab-ot sa 484,538 ukon 51.78% sang regional target nga 935,680 ka mga indibidwal ang nahatagan sang 1st dose batok COVID-19 sa rehiyon.
Samtang yara naman sa 28,804 (3.08%) ka mga indibidwal ang fully vaccinated.
Yara naman sa 2,360 ka mga indibidwal ang nakabaton sang booster doses sa rehiyon sa ginpatigayon nga national vaccination days.
