Nagadangat sa 11,500 ka residente sang Bacolod ang ginlakip sang Department of Social Welfare and Development Office (DSWDO) sa listahan sang dugang nga 5 millon households bilang beneficiaries sang second tranche sang emergency subsidies.
Sa nahibaluan nga sa memorandum nga napetsahan Mayo 12 kag pirmado ni Executive Secretary Salvador Medialdea, ang 5 million amo ang “eligible households” nga idugang sa 12 million low-income households nga nagabaton sang cash aid pinaagi sa Assistance to Individuals in Crisis Situation (AICS).
Sa interview sang DYHB kay DSWDO head Pacita Tero, 10,500 ang nadala sa masterlist nga gin-submit nila sa DSWD regional office kadungan sang deadline sang Mayo 2, apang nagpalagas sila sang dugang nga 1,000.
Apang suno kay Tero, wala pa sang kasiguraduhan kun pila ang maaprubahan gikan sa 11,500 kag mahatagan sang ayuda.
Ginhatagan naman sang prayoridad sa listahan ang mga wala nadala sa una nga tranche sang Social Amelioration Program (SAP).
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
