Nagalab-ot sa masobra sa P223, 095,043 ang natuga nga danyos sang dry spell sa tanom nga palay kag mais sa South Cotabato base sa ginpresentar nga datos sang Provincial Agriculture Office sa ginpatigayon nga Provincial Disaster Risk Reduction and Management Council meeting kahapon nga adlaw.
Base sa datos nagalab-ot sa masobra P200.2 million ang danyos sa mais kag yara sa 4, 260 ka mga mangunguma ang apektado , samtang sa palay yara sa masobra P22.8 million ang danyos kag 893 ka mga mangunguma ang apektado.
Mas apektado naman sang dry spell sa mais ang banwa sang Surallah tungod nagalab-ot sa masobra P81.1 million ang danyos, nagasunod ang banwa sang T`boli yara sa 42.2 million ang danyos , Lake Sebu P30.2 million, Polomolok P19.5 million, Koronadal City P6.6 million, Tupi P4.9 million, Banga P3.9 million, Tantangan 2.5 million,Tampakan P2 million, Norala nagalab-ot sa masobra 1 million ang danyos kag sa banwa sang Sto. Niño nagalab-ot sa P959,837 ang danyos.
Sa palay mas apektado ang banwa sang Norala nagalab-ot sa masobra P6.2 million ang danyos, nagasunod ang Tantangan yara sa masobra P5.8 million, Surallah masobra sa P5 million, Sto. Niño nagalab-ot sa masobra P2.7 million, Koronadal City P2 million, Polomolok nagalab-ot sa P657,060 kag Banga nagalab-ot naman sa P296,232.
Wala naman sang report ang T`boli, Lake Sebu, Tampakan kag Tupi nga danyos sa palay.
Suno kay Provincial Agriculturist Justina Navarete ang mga apektado nga mga pananom ang gintanom sang bulan sang Enero kag Pebrero subong nga tuig.
