Massacre natabo ha Dulag, Leyte; 3 patay

2956

TACLOBAN CITY – Patay an tulo nga tawo matapos pantigbason an mga ini ha Brgy. Combis, Dulag, Leyte kasangkulop, September 9.

Ginkilala an mga biktima nga hira Melvin Daway, 40 anyos, residente han Brgy. Rizal, Dulag, Leyte; Flordeliza Advincula, 29 anyos, mayada live-in partner, residente ha Brgy. Cabacungan, Dulag, Leyte; ngan hi Rebecca Advincula, 55 anyos, nanay ni Flordeliza.


Sumala kan P/Capt. Margarito Salaño, tagapagyakan han Leyte Police Provincial Office, uyab ni Flordeliza Advincula an gintutuuhan nga suspek.

Nagawas ha inisyal nga imbistigasyon nga love triangle an hinungdan han krimen.

Naapil pagpatay hi Rebecca an nanay ni Flordeliza tungod nga nakadto gihapon ini ha lugar kun diin natabo an insidente.

Sumala kan Salaño, kilala na nira an suspek pero diri la anay nira ini ngangaranan tungod nga nagpapadayon pa an imbistigasyon.

Nakit-an naman ha crime scene an sundang nga gin gamit han suspek ha pagpatay ha mga biktima.

Facebook Comments

From Advertisers