Matadero gituktok og gipusil sa gunman sulod sa balay, patay!

27

General Santos City – Giputos sa kasubo ang gibati sa pamilya karon sa matadero nga ulahing biktima sa pagpamusil sa siyudad nga nahitabo sulod sa ilahang panimalay sa Purok 9 Paradise, Barangay Mabuhay ning siyudad.

Sa pamahayag ni Police Lieutenant Ben Venus, Deputy Station Commander sa San Isidro Police Station 4, giila ang biktima sa pangalang Arjay Salamero Dignadice, 33-anyos, matadero sa Slaughter House og residente sa maong lugar.


Dugang ni PLt. Venus, nakaangkon og tulo ka samad pinusilan ang nahisgutang biktima nga miresulta sa iyahang kamatayon.

Dugang ni Venus nga nisulod matod pa ang mga suspek nga nakamotorsiklo sa panimalay sa biktima og adunay gipangita.

Gipusil og kalit sa suspek ang biktima sa walay daghang istorya samtang gilayong misibat ang mga suspek sakay sa ilahang motorsiklo paingon sa wala masuta nga direksyon.

Nasayran gikan sa maong ospisyal nga kanhing nitahan ang biktima nga nalambigit kaniadto sa iligal nga droga.




Dako ang pagduda sa kapolisan nga pagpanimalos ang motibo sa maong krimen.

(Photo for illustration only)

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: napusilan.jpg]

Facebook Comments