Matador nga nagpailang pulis pasakaan og kaso

Davao City – Pasakaan ug kasong Usurpation of Authority ug pagpangilad ang suspect nga nagpailang Police nga nailang Romeo Mara Jr., 33 anyos, matadero, nagpuyo sa Lozada Village, Lanang, syudad sa Davao. Sumala ni San Pedro Police Station Chief Investigator SPO1 Rezalito Clapiz, ila pang giandam ang kaso batok sa suspect.

Kahinumdomang nagpaila sa mga durian vendor sa San Pedro Street ang suspek nga myembro sa Intelligence Operatives San Pedro Police Station.

Gitug-an ni June Ample, 35 anyos, durian vendors, nagpuyo sa Bolton Ext., Brgy. 1-A , duha ka higayon siyang giilad ug giutangan og durian sa suspek sa kantidad 490.00 pesos lakip na ang tulo pa ka myembro sa Police Auxiliary sa San Pedro Police Station ang nihiram og kwarta sa kantidad nga 150.00 ka pesos. Sa gihimong operation sa kapolisan nasikop si Mara ug gipriso karon sa San Pedro Police Station.


RadyoMaN Don Pulayao

Facebook Comments