Matanao giigo sa buhawi

Davao City – Nagpadayon ang monitoring karon sa Matanao Disaster Risk Reduction Management Office sa ilang kasapaan ug gikatakdang i-rehabilitate ang usa ka tulay human giigo sa buhawi ang maong lugar niadtong July 9, 2019.

Atol sa interbyu sa RMN Davao kang Bernadeth Baldevia, Disaster Officer sa Matanao DRRMO, gibutyag niini nga miasaka ang tubig sa Mal River niadtong Martes gumikan sa kusog nga bundak sa ulan gani apektado ang lima ka mga barangay partikular ang Saub, Asbang, Pekong, Buri, ug Tamlangon diin lakip nangaanod ang ilang mga binuhing hayop.

Segun ni Baldevia nga walo ka mga pamilya ang apektado kinsa anaa karon sa ilang mga kaparyentehan nipahiluna.


Gikanayon niini nga kaniadto pang bahaonon ang lugar ug dugay nang ginapahimangnoan ang maong mga residente nga muhawa sanglit bahaonon kini ug matud pa dili kini pribadong luna.

Sugyot sa maong opisyal nga pabalhinon na ang maong mga residente aron dili na mausab ang susamang insidente.

Samtang dili pa maingon ni Baldevia ang kinatibuk-ang damyos gumikan nagpadayon pa sila sa pagsuta niini.

RadyoMaN Jason Amisola

Facebook Comments