TA CONSIDERA CUANTOS ANGGULO EL PULIS QUE POSIBLE EL MOTIBO NA MATANSA DEL UN BODY GUARD DEL UN PULITICO CONQUIEN YA REFICA DE TIRO AFUERA MISMO DEL SU RESIDENCIA NA SAN IGNACIO SUBDIVISION, PANTANO, SAN ROQUE DEL DOMINGO POR LANOCHE.
CON EL VICTIMA YA CONOSE COMO SI BENJIE WAJIHIN JILHANO, CASAO DEL MENCIONAO LUGAR.
NA INBESTIGACION DEL PULIS TA APARESE PASADA ALAS 9 DEL NOCHE CUANDO TIENE DOS PERSONA MUNTAO NA MOTOR YA LLEGA AFUERA DEL CASA DI JILHANO Y YAN CUENTO PA ESTOS POR CUANTOS SEGUNDO.
DESPUES DEL DIILA CONVERSACION DEREPENTE EL UNO DEL DOS PERSONA YA TIRA CON JILHANO TRES BESES USANDO EL 9MM PISTOLA.
EL VICTIMA YA MURI ON THE SPOT DESPUES ESTE YA SOSTENE TRES TIRO NA CABESA Y NA CUERPO.
MAGA PULIS YA RECOBRI TRES CAPSULA Y TRES PUNTA DEL BALA DEL 9MM PISTOLA NA LUGAR.
UNO DEL MAGA ANGGULO TA MIRA EL PULIS DROGA COMO AMO ELPOSIBLE MOTIBO DEL INCIDENTE.
