MATAPOS ANG 27 KA TUIG, LONG LOST SISTER NI SB JOSE LEAL SANG BADIANGAN, NAKITA SA KUWAIT

Report ni: Tita Jen Palomo Debaja

Ginkumpirmar sang pamilya LEAL sang Badiangan nga ang ginpost sa RMN subong nga aga utod nila nga madugay na gina pangita.

Sa bulig sang social media,daku ang pasalamat sang pamilya Leal kay Maricel Sagarino ,ang nagpost kahapon sang litrato ni Nanay Linda o MARIA NELIDA LEAL.


Suno sa hinablos sini nga si Michael Mamon empleyado sang DepEd sa Makati, malapit na 30 anyos nga wala naka kuntak si Nanay Nelida sa iya pamilya. Ang katapusan nila nga pagkakita sa iya sang nagtaliwan ang patriarch sang mga Leal.

Dugang pa ni Michael, magahimo na sang tikang ang pamilya Leal ilabi na si SB Jose Leal agud makapauli na si Nanay Linda.

Pulo nga mag ulutod sanday Nanay Linda kag isa sa mga ini amu ang SB sang Badiangan, professor sa John B kag may ara man isa sang ila utod sa Singapore.

Matapos ang 27 ka tuig,nabulong man ang kahidlaw sang nag estoryahanay si Nanay Linda kag SB Jose Leal kaina.

Facebook Comments