Matina fire: Nag-over heat nga exhaust fan ug suga gilantaw nga rason sa sunog

Davao City – Posibleng nag-overheat nga exhaust fan ug suga ang hinungdan sa pag kasunog sa usa ka balay nga gipanag-iyahan ni Ptr. Jeremias Onggao, adlaw’ng Huwebes alas 11:30 sa buntag Enero 20, 2023, sa San Miguel Village, Brgy.Matina Crossing, Davao City.

Kini subay sa inisyal nga imbestigasyon ni FO1 Vetrimar Concepcion Investigator sa Talomo Fire Station human nahinabi sa DXDC RMN Davao.

Gidugang ni Concepcion, sumala sa caretaker sa maong balay nga walay tawo ug gibiyaan ang suga nga naka on ug nag andar ang exhaust fan ayha nahitabo ang sunog.

GIbana-banaang mokabat sa 300,000.00 ang damyos sa insidente.

“Always gyud ‘ta magbantay sa atong electrical. Mostly sa mga balay, mao gyud ang number one cause sa sunog, kanang mga lost connection, magsaksak (nga) wala natarung, grounded ang wirings, bantayan gyud nato na siya. Always nato i-check ang mga wirings sa (atong) balay,” sulti ni Concepcion.

Hinuon walay casualty o nasamdan atol sa sunog samtang si Brgy. Matina Crossing Kapitan Joel Santes mitunol na og pasiunang tabang sama sa pagkaon sa pamilya nga apektado sa maong sunog.

RadyoMaN Don Pulayao

Facebook Comments