Matina massacre: Inahan sa mga biktima di makadawat sa hitabo

2116

Davao City – Mityabaw ang inahan sa dihang naabot sa punerarya ug nakita ang mga anak nga wa nay kinabuhi kinsa gipangluba-patay nga nahitabo sa Sunrise Village, Matina Crossing ning syudad bandang alas 5 kaganinang buntag, July 17, 2019.

Gisulayan sa DXDC RMN Davao reportorial team og kuha og reaksyon si Merlyn Abitona apan di pa kini makahatag og mensahe tungod sa iyang gibati nga kasakit gani hilak lang niini ang madungog sa live interview sa RMN.


Apan pagsulay og sukit-sukit sa reporter, miingon sumala pa kini nga wa nagdahum sa panghitabo ug dili kini madawat.

Kahinumduman nga giluba-patay ang iyang mga anak nga taga Manay, Davao Oriental nga sila Jessa May Tecson Abitona, 25 anyos, Jesybell Tecson Abitona, 20 anyos lakip ang barkada sa mga biktima nga si alyas James, 17 anyos, kinsa gituohang maoy giselosan sa suspek nga si Daryl Pakna Aguilar, 22 anyos diin nasayran nga aduna silay duha ka mga anak sa iyang gipatay nga si Jessa apan maayo nalang nga wala sa incident area niadtong tungora.

Sa karon, naa pa sa punerarya ang patayng lawas sa mga biktima ug planong iuli ug ihaya sa Davao Oriental samtang ang suspek anaa pa sa balay-tambalanan kinsa anaa na karon sa luwas nga kahimtang apan nakatakdang pasakahan og kaso.

RadyoMaN Renz Barbarona

Facebook Comments

From Advertisers