May kahilabtanan sa droga isa sa ginalantaw nga motibo sa pagpatay kay Kapitan Bermil kag anay drug surrenderer.

May kahilabtanan sa iligal nga droga ang isa sa ginalantaw nga motibo sang kapolisan sa pagpatay kay Kapitan Baltazar Bermil sang Barangay Topland, Koronadal City pasado alas 10:00 sang Martes sang aga.
Suno kay Police Sr. Supt. Ronald Allan Peñaverde Chief of Police sang koronadal City Pnp ini tungod nagtestigo si Kapitan Bermil sa mga naaresto nga high value drug personalities sa iya nga barangay sang nagligad nga bulan sa ginpatigayon nga raid.
Samtang wala man suno pa nila ginapahigad ang iban pa nga anggulo sa pagpatay sa kapitan.
May kahilabtanan man sa illegal drugs ang ginalantaw nila nga anggulo suno kay Peñaverde sa pagpatay man sa anay drug surrenderer nga ginkilala kay Cleto Cabrido residente sang Purok Ilang-ilang Brgy. New Pangasinan pasado alas tres sang Martes sang hapon.
Apang sa subong padayon suno pa ang ila imbestigasyon sa magseparar nga insidente agud nga mahibaluan ang madalom nga rason kag kon sin-o ang may kahimuan.

Virus-free. www.avast.com <#DAB4FAD8-2DD7-40BB-A1B8-4E2AA1F9FDF2>

Facebook Comments