Mambusao, Capiz- Patay ang 34-anyos nga mister makaligad ini ang ginapahayag naghikug sa sulod mismo sang ila poluy-an sa Brgy. Batiano banwa sang Mambusao.
Ginkilala ang biktima kay Rodel Lerio y Salaya, may yara sang live-in partner kag residente sang nasambitan nga lugar.
Ang bangkay sini ang nasapwan sang mismo asawa nga si Roselyn Ferrer alas sais sang aga nga nagabitay sa balayan sang ila poluy-an.
Nagaguha sa imbestigasyon sang mga kapulisan sang Mambusao MPS nga may yara sang “previous suicidal instinct” ang biktima kun sa diin permi ini nagainum sang makahulubog nga ilimnon kag ginaaway ang live-in partner rason nga permi lamang siya nga ginabayaan sa ila balay.
Gintuad ni Roselyn nga tagsa sila mag-away sang bana, ginasiling sang biktima nga ini ang mahikug kun siya ang layasan.
Mangin ang mga kahilapit sini ang nagasiling man nga pila na ka beses nga nagtuyo sa pagpanginmatay ang biktima.
Sa subong yara na sa isa ka punerarya sa banwa sang Mambusao ang bangkay sang biktima.
