BACOLOD CITY – Patay na sang makit-an liwat ni security guard Leonel Labanan ang isa ka lalaki nga palaboy-laboy malapit sa Pridential Life Building, Luzurriaga St., Barangay 13.
Nakilala ang biktima kay Rosello ‘Nonoy’ Bandiez, 44 anyos sang Balasan, Iloilo.
Suno sa sekyu, nga sang nagligad nga adlaw nakit-an nya pa nga pagsik si Bandiez apang kaina sang hapon, 1:10 nakibot nalang siya nga wala na ini sang kabuhi.
Iya man nahibaluan nga nagabatyag ini sang balatian nga TB ukon tuberculosis bangod pirmi niya makit-an nga naga-ubo ubo kag nagasuka pa sang dugo.
Sang nasapwan, nakita pa sa iya kamot ang mga dahon sang bayabas nga iya naman ginaserbe bulong sa iya TB.
Natalana naman nga magapadulong sa Bacolod ang iya mga himata gikan sa Iloilo matapos nga ginpabalo na ini sang mga otoridad.
