Mayor Baste: Pag-lift sa mandatory face mask mag-agad sa DOH

57
Davao City – Abli si Davao City Mayor Sebastian ‘Baste’ Duterte sa paghimong optional sa pagsuot og face mask batok Coronavirus Disease 2019 (COVID-19) kung kini adunay pagtugot kun ‘go signal’ sa Department of Health (DOH).

Sumala ni Mayor Baste (sa interbyu sa city-owned radio), mag-agad siya kung unsa ang desisyon sa DOH ug depende usab sa datus sa COVID-19 cases nga natala sa usa ka lokalidad.

“Mangutana ‘ta. Mangayo ta’g advice sa atong national government kung unsay advice nila ana. Pero og pwede, nganong dili man, diba? Pero syempre ako, maghulat ko’g guidance gikan sa Department of Health,” matud sa mayor.

Padayon usab nga gipanawagan sa alkalde ngadto sa Davaoeños nga dili mokumpyansa ilabina nga nagkataas ang COVID-19 cases sa syudad diin kini posibleng epekto sa face-to-face Kadayawan sa Davao ug uban pang in-person activities.

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments