Mayor Bing luyag mabakunahan kontra covid-19 ang tanan nga Bacolodnon suno sa bise alkalde

Ginapahayag sang chairman sang Inter-Agency Task Force sang ciudad sang Bacolod nga luyag ni Mayor Evelio Leonardia nga mabakunahan ang tanan nga Bacolodnon kontra coronavirus.

Sa interview sang DYHB kay Vice Mayor El Cid Familiaran, ginpahayag sini nga ginmanduan na sang alkalde si City Legal Officer Joselito Bayatan nga magpreparar na sang waiver bangud nga mangin boluntaryo ang pagpabakuna . Bangud nga voluntary ang vaccination, natalana man nga manduan sang alkalde ang mga barangay officials nga magpreparar sang listahan sang luyag magpabakuna.

Ini matapos nga ginhatagan na sang Sangguniang Panlungsod sang otoridad si Mayor Leonardia para sa advance purchase sang bakuna sang AstraZeneca. Apang suno kay Familiaran, maagi sa gihapon sa national government ang transaction sa diin ang mga local government units ang ginapa-preparar sang masarangan nila nga pondo. Ang national government ang maga-augment lamang.


Kun dayunon sang city government ang plano nga bakunahan ang tanan nga Bacolodnon, kapin sa P366 million ang pondo nga dapat ipreparar kun AstraZeneca ang baklon nga bakuna. Apang nahibaluan nga ang AstraZeneca, ang wala nagabakuna sa 18-anyos panubo ang edad.

[image: image.png]

Facebook Comments