Mayor: COVID-19 positive sa mercy flights expected

35

Davao City – Laumang adunay magpositibo sa coronavirus disease 2019 (COVID-19) sa 102 ka mga pasahero sa mercy flights sa Overseas Welfare Workers Administration (OWWA) kagahapong adlawa, Mayo 21, 2020.

Matud ni Davao City Mayor Inday Sara Duterte-Carpio nga posibleng dunay mangabot nga posibleng carrier sa virus tungod sa lugar nga ilang gigikanan nga taas ang kaso sa COVID-19.


“Kita nakihangyo ta sa OWWA kung pwede ta mopalit sa ilahang airplane seats so gisugtan ta nila and naka process ta og 66 kabuok. As expected naa gyud mag positive ana because gikan sila sa isa ka lugar nga daghan kaayog positive and adunay community transmission,” saysay ni Mayor Inday.

Dugang pa nga tanang pasahero gipailawom sa rapid diagnostic test ug physical examination samtang ang mga Health Officers maoy magdesisyon kung kinahanglan kining i-swab test sa Southern Philippines Medical Center (SPMC) ug i-butang sa mga Quarantine Facilities sa syudad o ipailawom sa 14-days mandatory quarantine sa ilang mga balay.

“Ang mag determine gyud kung unsay mahitabo sa imoha kung padulong ba ka sa home quarantine, o hospital, o city quarantine facility is your physical condition upon arrival in Davao City,” matud sa mayor.

RadyoMaN Aimee Guinita

Facebook Comments