Mayor-elect Michael Marcos Keon, Nangisayangkat ti Ocular Inspection Kadagiti ‘Government Buildings’ iti Siudad ti Laoag

iFM Laoag – Indauluan ni Laoag City Mayor-elect Michael Marcos Keon ti panangiyuswat iti “Ocular Inspection” kadagiti nagduduma a pasdek a kukua ti gobierno ti siudad.

Inyunana ti Laoag City General Hospital kaduana ni Vice-Mayor elect Vicentito “Toto” Lazo ken dagiti sumagmamano nga Newly Elected Officials, Department Heads ken kameng ti Media.

Inpakita met ti mangidadaulo iti LCGH a ni Dr. Francis Dacuycuy dagiti nadumaduma nga pasilidades ken equipment ti nasao nga Ospital — nu sadino adda dagiti rumbeng a matarimaan ken kasta pay maideklara nga “obsolete” wenu saanen a mausar pay.


Daytoy nasao nga aktibidad ket passet iti ‘Transition Phase’ iti gobierno kangrunaanna kadagiti kabbaru nga opisyales a sumangbay.

Agtultuloy daytoy nga aramiden ti kabbaru a mayor kadagiti dadduma pay nga opisina ti siudad ti Laoag tapnu maimatanganna ti sitwasyun nu adda dagiti mabaliwan wenu mapapintas iti pasdek wenu iti mismo serbisyu nga ipapaay kadagitoy.

Bernard Ver, RMN News

Facebook Comments