ILOILO City – Gin-athag ni Mayor Jose Espinosa III nga wala sang may ginpahalin nga job hires ang iya pamunuan.
Suno sa alkalde normal lang nga kada pagtakop sang bulan nagatapos man ang kontrata sang tagsa ka job hire.
Gindugang pa sang alkalde nga ara na sa kamot sang city administrator ang pagtan-aw kun bala dapat nga magpadayun sang ila kontrata ang job hire sa syudad.
Pasalig man sang alkalde nga wala sang dapat kabalak-an ang mga job hire employees kun ginahimo nila ang ila tagsa ka trabaho.
Ini ang sabat sang alkalde sa ginreport nga may apat ka job hire employees sa Jaro ABC nga ginkakas sa serbisyo bangud tawo sila ni Cong. Jerry Trenas.
Pctto
Facebook Comments
