Nagmandu si Iloilo City Mayor Jose Espinosa III nga dapat yara na sa City hall ang mga empleyado para sa alas 8:00 sa aga nga flag raising ceremony.
Suno kay City Administrator Atty. Hernando Galvez , luyag sang alkalde nga tudluan ang mga empleyado nga hatagan sang nagakaigo nga respeto ang National Anthem.
Dugang pa ni Galvez, dapat magserbe nga role model ang mga Department heads kag siguruhon sang mga ini nga yara na sa City hall ang mga empleyado antes ang flag ceremony.
Nahibaluan nga yara na sa City Hall si Mayor Espinosa III 1 ka oras antes ang las 8:00 nga flag raising ceremony subong nga aga.
Facebook Comments
