Mayor Leonardia magapaguwa sang EO tuhoy sa mandatory quarantine sa mga LSI nga magapauli kun matapos na ang moratorium

12

Magapaguwa sang Executive Order (EO) si Mayor Evelio “Bing” Leonardia angut sa pagpaidalom sa mandatory 14-day quarantine sa mga locally stranded individuals (LSI) nga magapauli sumugod sa Hulyo 13.

Ini ang ginpalayag sa DYHB ni Vice Mayor El Cid Familiaran, chairman sang Inter-Agency Task Force kasunod man sang mga obserbasyon nga may pila ka mga LSI nga naglapas sa protocols sang home quarantine sa diin pila sa mga ini ang nagalagaw.


Kasunod sini, ginbuyagyag ni Familiaran nga ginmanduan na ni Leonardia si City Legal Officer Joselito Bayatan nga tun-an ang pagpasaka kaso sa mga LSI nga nagalapas sa home quarantine protocols.

Nahibaluan nga sumugod sang Hunyo 28, nagpatuman ang national government sang duha ka semana nga moratorium sa pagpapauli sang mga LSIs sa Region 6 kag Region 8.Nagaplano man karun si Mayor Leonardia nga mag-apelar sa National Inter-Agency Task Force (NIATF) nga 600 lang ka mga LSIs ang akomodaron sang Bacolod tagsa ka semana kun mag-resume naman ang pagpapauli sa mga ini.

[image: image.png]

Facebook Comments