Nasikop sa mga otoridad sa Criminal Investigation and Detection Group o CIDG Region 10 ang pito ka mga tawo nga maoy nangilkil kang Cagayan de Oro City Mayor Oscar Moreno.
Unang nasikop silang Wilma Pangandigan, 43 anyos, usa ka Local Government Unit Employee sa Datu Saudi Ampatuan, Maguindanao ug residente sa Datu Piang, Maguindanao, Thong Pangandigan, 43 anyos ug taga Datu Piang, Maguindanao, Mohaimin Ulimpaen, 24 anyos ug residente sa Datu Saudi Ampatuan, Maguindanao, Sadam Taliba, 26 anyos, driver ug residente sa Datu Saudi Ampatuan, Maguindanao ug Donna Bansil, 27 anyos, usa ka LGU Employee ug residente sa Datu Saudi Ampatuan, Maguindanao.
Gihimo sa mga otoridad ang entrapment ooperation sa usa ka Café sa Limketkai Center ug sa dihang nahatag na ang gipangayong 1.3 million pesos, gisundan kini sa mga operatiba ug nasikop ang leader sa grupo sa check point nga gihimo sa Sumilao, Bukidnon ang leader sa mga suspects nailang si Ryan Mabboran, 30 anyos, walay trabaho ug residente sa Poblacion North, Cotabato ug kauban niini nga nailang si Mark Adrian Tan, 36 anyos ug residente sa Rizal Avenue, Kabacan, North Cotabato.
Matud ni Mayor Oscar Moreno nga niadtong nakalabayng semana, dunay nitawag nga usa ka lalaki nga nagpailang usa ka Police Col. Ferdinand Sifuentes, usa ka deputy Director for operation sa PNP Region 10.
Nagpaila kining classmate sa usa ka opisyal sa Police Regional Office 3 nga si Col. Llanera kung asa naka detain ang anak ni Mayor Oscar Moreno nga si Sean Moreno.
Matud sa nagpailang si Col. Sifuentes nga dunay win win solution kini sa kaso sa iyang anak tungod kay dili matud pa kini ang target sa maong operasyon.
Unang nangayo sa 1.5 million pesos ang mga suspects apan naghangyo si Mayor Moreno sa 1 million, hangtud nga nagkasabot kini sa 1.3 million pesos.
Matud ni Lt. Col. Raymund Liguden, ang OIC sa CIDG Region 10 nga ang mga suspects usa ka organized crime group nga gitawag nga PatVille o Pat Villacorte Crime Group nga nag-operate sa Mindanao.
Si Ryan Mabboran ang usa ka miyembro sa Armed Forces of the Philippines apan na discharge kini sa tuig 2014 ug nisulay nga mosulod sa PNP apan pakyas kini.
