Mayor Oscar Moreno, nangayo og pasaylo sa kaubang partido

28

Nangayo og pasaylo si Cagayan de Oro City Mayor Oscar Moreno, ngadto sa iyang kauban sa partido nga wala kini nagsuot sa ilang political color.

Kini atol sa gipahigayong Unity Walk, Interfaith Prayer Rally ug Peace Covenant Signing kagahapong adlawa sa Kiosko Divisoria.

Matud ni Mayor Oscar Moreno, nga gipili niini nga magsuot sa neutral nga color, ug wala kini misuot sa color green nga sanina nga adunay marka nga TEAM ok ka or team OKKA.

Nagtuo ang mayor nga dako ang kamahinungdanon sa ipahigayon nga election sa nasud, gumikan kay kini ang pama-agi aron nga ma-angkon ang tinuod nga republican state, ug aron nga makapili ang katawhan kung kinsa ang buot niini nga mahimong leader o magdumala sa mga musunod nga adlaw.

Gumikan niini, mapasalamaton ang mayor sa mga mi partisipar sa maong kalihukan, ug mihangyo nga respetuon ang mamahimong resulta sa umaabot nga election.

Nasayran nga kagahapong adlawa, mitambong usab sa kalihukan si kanhi 2nd District Congressman Rufus Rodriguez, nga kanhi naka-atbang niini sa pagka mayor.

Samtang pakyas sa pagtambong silang Pompee Laviña, kinsa nagpapili pagka mayor ingon man si kanhi mayor Dongkoy Emano, nga magpapili pagka bise mayor sa umaabot nga election.

Facebook Comments