Mayor Rivera, giklarong hisgutan pa ang isyung temporaryo nga pagbawal sa mga LSI og APOR sa Gensan

General Santos City–Gipaklaro ni Gensan City Mayor Ronnel Rivera nga hisgutan pa sa Local IATF ang naunang suhestyon nga temporaryong i-ban ang mga Locally Stranded Individuals (LSI) og mga Authorized Person Outside Residence (APOR) karong bulan sa Disyembre pasulod sa Gensan.
Sumala niya nga naandan na gyud sa katawhan ang mouli matag bulan sa Disyembre aron makasaulog sa pasko ug bag-ong tuig, apan gumikan sa ginapatuman nga quarantine, iyahang gikabalak-an nga dili makaselebrar ang mga LSI uban ang ilahang pamilya.
Busa gina-awhag niya ang mga gustong muuli sa Gensan nga kung mamahimo, mas sayo nga makabyahe aron dili maabtan ug pasko ug bag-ong tuig sa mga quarantine facility.
Dugang pamahayag ni Mayor Rivera nga higayon nga masabutan na ug mauyunan sa local IATF ang maong suhestyon, ilaha pa kining pa-aprubahan sa Regional ug sa National IATF.
Dugang niini nga dili lang ang lokal nga panggamhanan ang naga-desisyon niini kondili ang tanang sektor, ug mga miyembro sa Inter-Agency Task Force. Gipaniguro usab ni Mayor Rivera nga unsa man ang mamahimong desisyon sa local IATF ang alang sa kaayuhan sa kadaghanan.(LVR)

Facebook Comments