*General Santos City— Satisfied si Gensan City Mayor Ronnel Rivera sa performance sa kapulisan gumikan sa pag-ubos sa kriminalidad sa unang bulan sa tuig.*
*Pamahayag ni Mayor Rivera nga luyo pa man sa kaulangon sa ihap sa kapulisan, makita gihapon ang ilahang dedikasyon sa trabaho. Sumala niya nga kung basihan ang datus, taas gyud ang pag-ubos sa krimen sa karon nga tuig kung itandi sa milabay’ng tuig.*
*Dugang pamahayag ni Mayor Rivera nga lakip sa mga rason nga iyahang nakit-an sa ag-ubos sa krimen mao gyud ang mas gipakusgang police visibility.*
*Dako matud ang nahimong tabang sa mga gipangbutang nga mga container van sa mga checkpoint kung asa anaa man ang mga basig nga gikinahanglan sa kapulisan sama sa C.R, pahulawan ug kan-anan.*
*Saysay pa niya nga dakong tabang ang mga CCTV cameras gumikan as dali ang pag-identify sa mga pasaherong nagasulod. Samtang gibuityag niya nga gawas sa naunang siyam nga patrol cars gikan sa national headquarters sa kapulisan, laing walo ka patrol cars ang nakatakdang ihatag ngadto sa GSCPO aron nga mas mapakusgan ang ilahang pagpatrolya hilabina panahon sa kagab-ihon.*
