Mayor sa Gensan aminadong wala na kaayo natutukan ang peace and order tungod sa bahad sa Covid-19

General Santos City–Aminado si Gensan City Mayor Ronnel Rivera nga mas nahatagan gyud ug pagtagagad sa kapulisan ang pakigbatok sa covid 19 kung itandi sa nag-una nilang mandato nga pagpabiling hapsay ug malinawon ang ilahang area of responsibility.

Gawas matud pa sa mga isolation ug quarantine facility sa dakbayan, gikinahanglan usab ang pwersa sa kapulisan sa gihimo nga contact tracing sa naunang tulo ka mga barangay sa dakbayan.

Apan segurado matud pa siya nga ginahimo sa kapulisan ang tanan aron nga masulbad ang mga kasong pagpatay sa Gensan. Dugang pamahayag sa Mayor nga iyahang nakita ang pagpaningkamot sa kapulisan nga mabatukan ang kriminalidad apan dili matud pa kini malikayan, gumikan kasagaran sa mga krimen, pulis lang usab ang gina-bantayan sa mga criminal.


Sa karon, nagpabilin matud pa nga kontrolado ang sitwasyon. Nauna na matud pa niyang gimando sa kapulisan sa pagpanguna ni Police Col. Aden Lagradante nga angayang adunay mga police visibility hilabina sa mga lugar kung asa sagad nagakahitabo ang krimen.(LVR)

Facebook Comments