General Santos City–Subling magpapili sa posisyon nga pagkamayor ang kasamtangang galingkod sa Isulan, Sultan Kudarat nga si Mayor Marites Palasigue.
Kini ang mismong gikompirma sa opisyal atol sa interview sa RMN Gensan.
Sumala ni Palasigue nga niadtong Lunes sa buntag uban ang iyang mga kapartidong nagpapili pagka bise mayor ug konsehal dungan nga mifile sa ilang kandidatura sa Comelec.
Dugang gibutyag ni Mayor Palasigue nga malinawon ug walay mga kasamok sa ilang lugar atul sa ilang filing sa COC.
Positibo usab si Mayor Marites nga tagaan gihapon siya ug tsansa sa katawhan sa ilang lugar bisan pa man nga makaduha ka higayon silang nalutsan og bomba sa nakalabyng bulan nga gikamatay ug gikaangol sa daghang tawo.
Matud niini nga daghan pa syang plano nga gustong himuon sa ilang lugar ilabi na kay bag-o pa sya sa maong posisyon.(Jordan Britos)
