Mayor Sara: Mall sa Bajada ritwalan

Dava City – Angay nga ipabinisaya o patambalan ang usa ka mall sa dakbayan sa Davao diin adunay mga nahitabong suicide incidents.

Kini ang lantaw ni Davao City Mayor Inday Sara Duterte-Carpio human nga adunay lain na usab ka tao ang niambak sa maong balay pamatigayon niadtong Enero 6, adlaw’ng Dominggo.

“Dapat siguro magtambal, usually ang nahibalo ana mga lumad,” matud sa mayor.


Sumala sa alkalde nga gikinahanglan nga ang tagdumala sa maong mall mangita’g solusyon o mga pamaagi aron dili mamahimong accessible ang ilahang mga pasilidad sa mga taong adunay mental disorders.

“Dapat dili accessible sa mga tao ang ilahang mga railings, ang ilahang mga security ug kung naa silay makita nga tan-aw nila nga mga balisa na nga mga tao, should immediately do something about it,” segun sa alkalde.

Samtang, segun sa mayor nga nakigalayon sila sa Philippine Mental Health Association (PMHA) ug gahatag ang panggamhanan og regular nga budget aron suportaan ang mga mental health projects para ngadto sa mga nanginahanglan niini.

RadyoMaN Aimee Guinita

Facebook Comments