Mayor Tessa Constantino tutukan ang daghan pang proyekto sa Malungon sa iyang ikaduhang termino

Sarangani Province–Gikabutyag karun ni Malungon Municipal Mayor Tessa Constantino nga iyang ipadayon ang mga dagkong proyekto og programa nga iya nang nasugdan alang sa kalambuan sa munisipyo sa Malungon ingon man aron usab mahatagan ug trabaho ang katawhan sa lugar.

Saysay man usab sa mayor nga iyang hatagan ug prayoridad ang edukasyon sa iyang ikaduhang termino aron mahan-ay ug matutukan ang sistema sa edukasyon sa iyang plataporma gumikan kay nagtuo ang opisyal nga pinaagi niining edukasyon mamahimong makab-ot sa katawhan ang ilang pangandoy sa ilang kinabuhi.

Samtang pagbutyag man usab ni Mayor Tessa Constantino nga ang kalambuan sa munisipyo sa malungon dili lamang kini tungod sa iyang pagdumala kundili tungod usab kini sa panag hiusa ug suporta sa katawhan aron makab-ot ang padayon nga kalambuan sa munisipyo.


Pagpaklaro usab sa maong opisyal nga iyahang hatagan ug dakung pagtagad sa iyang administrasyon ang turismo tungod kay pinaagi niini daghang trabaho ang mahatag sa katawhan sa Malungon nga maoy tubag sa kalisod sa panginabuhi.

Asoy usab sa mayor nga human sa election ban magsugod na usab sa pagpadayon sa pagsemento mga dalan aron mamahimong hapsay na ang pag-agi sa mga sakyanan ug mapadali ang pagtransport sa mga produkto padulong sa sentrong bahin sa munisipyo.

Facebook Comments