Gipasidan-an ni Cebu City Mayor Tomas Osmeña nga dakpon kadtong mga tawo nga magsaba-saba taliwa ning panahon sa pagpamalandong dinhi sa dakbayan sa Sugbu.
Si Osmeña nipirma sa Executive Order (EO) nga mopatuman ug temporaryo nga pagdili sa mga kalihukan nga makamugna ug pagsaba-saba gikan sa Huwebes Santo sa alas 11:00 sa gabii hangtud na sa Sabado de Gloria sa alas 5:00 sa kadlawon.
Ubos sa EO 038 , lakip sa gidili nga mga kalihukan mao ang disco, videoke, concert, shows, gig, live nga banda , party ug ubang saba nga kalihukan.
Tuyo niini nga motunhay ang ka-solemni sa pag-obserbar sa Semana Santa.
Ang kapolisan, Cebu City Transportation Office ,Prevention and Enhancement Office (PROBE) ang gitahasan sa pagpatuman sa maong lagda.
Facebook Comments
