MayorRivera, giklarong may lakang ang gobyerno batok kriminalidad sa Gensan

????????????????????????????????????

*General Santos City— Gipahimakak ni Gensan City Mayor Ronnel Rivera ang mga alegasyon nga walay ginahimong lakang ang lokal nga panggamhanan sa dakbayan sa mga nahitabong patay ug ubang krimen sa syudad.*

*Hugot man tud pa niyang ginakondina ang mga pagpamusil patay sa dakbayan kung asa lakip sa mga nahimong biktima mao ang barangay kagawad sa Barangay Baluan nga si Omar Mamalumpong.*

*Nakatakda usab silang magpahigayon ug panagpulong uban ang tanang opisyal sa kapulisan sa Gensan aron nga mahisgutan ang mga posibleng pamaagi aron nga masulbad ug maundang ang patay sa Gensan.*


*Dugang pamahayag ni Mayor Rivera nga dako ang iyahang pagsalig sa kapasidad sa kapulisan sa dakbayan ug siya nagtuo nga kaya nilang mapa-undang ang mga nagakahitabong patay sa syudad.*

*Pagpaklaro niya ng wala nagakulang sa paghatag ug suporta ang lokal nga panggamhanan gani gawas sa mga naunang patrol cars ug mga armas, adunay laing mga patrol cars ang naa karon sa Bid And Awards Committee.*

*Iyaha na matud pang gihatagan ug direktiba ang Gensan City Police Office nga mas pakusgan ang ginahimong pagpatrolya hilabina sa mga lugar kung asa sagad nagakahitabo ang krimen.*

*Kalabot niini, gibutyag ni Mayor Rivera nga ilaha gyud makita ang mga hagit nga gina-atubang sa kapulisan sa dakbayan matag adlaw hilabina kung hisgutan ang kalapad sa syudad ug ang kulang nga ihap sa mga personahe niini.*

*Apan aduna matud pay mga pamaagi nga ginahimo ang lokal nga panggamhanan aron matabangan ang kapulisan sa pagbantay sa siguridad.*

*Sama sa pagmugna ug community volunteers ingon man ang pagpa-ilalom sa army reservist ang mga barangay tanod aron nga mahatagan ug armas ilalom sa supervision sa militar ug kini ang ilaha ng gisugdan sa karon aron nga masiguro ang siguridad sa dakbayan.*

Facebook Comments