Maysa a lalaki, natagbat gapu laeng ti panagkantyaw iti kinadaan ti kotse?!

23

iFM Laoag – Natagbat ti maysa a lalaki iti Sito Balbalayang , Barangay Poblacion iti ili ti Burgos maipanggep laeng ti panagkantyaw ti baro ken daan a lugan.

Nabigbig ti biktima a ni Roger Balbas Gonong, meat vendor ken residente iti Manayon iti ili ti Bangui. Segun kenni Police Captain Sheryll Guzman , hepe ti PNP Burgos , a kinantyawan ti biktima ti nabigbig a suspek a ni Elizer Agustin Pascua , mannalon , residente ti Barangay Poblacion iti ili ti burgos , maipanggep ti kinadaan ti kotsena.


Iti daytoy , naamwan ni Guzman nga agkabbalay laeng ti suspek ken ti biktima ken porsigido nga agipila ti Reklamo ni Balbas. Naibaga a kabbaro ti lugan ti biktima a maysa a ford ranger ken napasamak ti panagtagbat bayat nga agiinom da iti pagtaenganda.

Kabayatanna , saan met a napakarwan ti biktima ti sinagaba na a sugat iti akinkanigid a paset ti bukot na. (Abcde Castro, RMN News)

Facebook Comments