MECQ sa Bacolod suportado sang IATF kag DOH, resolusyon gindihon

37

Ginrekomenda ni COVID-19 Task Force Chief Implementer Carlito Galvez Jr. kag Health Secretary Francisco Duque III ang implementasyon sang modified enhanced community quarantine (MECQ) sa syudad sang Bacolod bangud sa nagasaka nga kaso sang coronavirus disease.

Ini ang ginpahayag sang duha ka mga matag-as nga opisyal sa press briefing subong nga gab-i upod kay Pangulong Rodrigo Duterte.


Kaangay man nga rekomendasyon ang ginaduso ni Interior Secretary Eduardo Año para sa Bacolod.

Ginpahayag pa sang opisyal nga magapadulong ini sa Bacolod sa Miyerkules para i-assess ang sitwasyon.

Madumduman nga sang nakaligad nga semana nagpadulong sa syudad sanday Environment Secretary Roy Cimatu, Presidential Assistant for the Visayas Michael Dino kag Retired Major General Mel Feliciano para buligan ang syudad sa mga tikang para mapahagan hagan ang kaso sang COVID-19.

Samtang sa Resolution No. 69-A sang Inter-agency Task Force nga napetsahan subong nga adlaw, Setyembre 7 nga pirmado ni Cabinet Secretary Karlo Alexei Nograles, ila opisyal ginduso ang plano humalin bwas, Setyembre 8 tubtob 30 upod ang Lanao Del Sur.




Apang ini ang subject pa sa ratification kag pronouncement ni President Rodrigo Duterte.

[image: image.png]

Facebook Comments