MECQ status gihangyo sa City Gov’t of Davao

34

Davao City – Gilaumang karong adlawa ( Hunyo 3, 2021) masayran ang desisyon sa National Inter-Agency Task Force (IATF) sa hangyo sa City Government of Davao nga ipailawom, ang syudad sa Davao sa Modified Enhanced Community Quarantine (MECQ) gikan sa kasamtangang General Community Quarantine (GCQ) status.

Sa interbyu sa DXDC RMN Davao kang Alex Roldan, Regional Director sa Department of the Interior and Local Government (DILG-XI), gibutyag niini kagahapong adlawa (Hunyo 2, 2021) sa dihang nadawat sa buhatan ang request letter gikan mismo kang Davao City Mayor Sara Duterte-Carpio sa pagpailawom sa Davao City sa MECQ gikan Hunyo 5 hangtod 30, 2021.


Matud ni Roldan, mas estrikto ang maong quarantine status diin rason sa maong lakang aron mapugngan ang pagtaas sa ihap sa Coronavirus Disease 2019 (COVID-19) patients sa syudad partikular na sa mga hospital sa dakbayan.

“Mi-request ang Davao City Government nga i-reclassify from GCQ to MECQ. Buot pasabot nga mas istrikto ang pag-monitor ug pagpatuman sa mga health protocols,” matud ni Roldan.

Gipasabot sa lokal nga gobyerno nga kinahanglang matabangan ang mga frontliners pinaagi sa pagsegurong anaa sulod sa panimalay o naka-stay home ang mga tawo gawas lang sa mga nagtrabaho ug nagnegosyo.

RadyoMaN Kirby Manzon



Facebook Comments