Medardo Gonzales, nga taga Dapitan, napili nga representante sa mga mganingisda ning probinsya.

Dapitan City-Malipayon karon ang mga mangingisda sa dakbayan sa Dapitan tungod kay sa ilang lugar gikan ang napiling representante sa mga mangingisda ning probinsya sa Zamboanga del norte.

Sa bag-ohay lang nga gihimo sa Bureau of Fisheries and Aquatic Resources, ning probinsya sa Zamboanga del Norte sa pagpili kun si kinsa ang mo representar sa mga mangingisda aron mao kini ang mo tan-aw sa mga problema sa mga mag-uuma ilabi na ang pagpangisda.
Kahinumduman nga gitambungan kini sa taga City Agriculturist Officer, Fishery technicians, taga Municipal Fisheries and Aquatic Resources Management Council, gikan sa Distrito I ug II.
Gipangulohan mismo ang maong aktibidad sa pagpanguna ni Ruth Ventura, FARMC Coordinator sa BFAR-RFO, Zamboanga city.
Ug didto mapasigarbohong gipaila ang bag-ong napili nga representante sa mga mangingisda ning probinsya nga mao si Medardo Gonzales gikan sa Dakbayan sa Dapitan.
Daw sa dili masukod ang gibating kalipay ni Medardo Gonzalez sa dihang siya ang napili, gipasalamat usab kini sa iyang mga kauban, ug kini karon ang hagit sa ngadto kang Gonzalez kun unsaon niya pagpag atubang ang responsibilidad nga iyang gihawiran.

Facebook Comments