Media man sa Cagayan de Oro, nasikop sa drug buy bust operation

DETINADO sa Police Station 8 sa Lumbia ang usa ka Media man human nasikop sa gipahigayong drug buy bust operation sa Barangay Carmen ning syudad sa Cagayan de Oro pasado alas nuebe kagabii.

Maoy nadakpan si Lodymer Ramos Jagos taga Barangay Tagpangi ning syudad og reporter/ anchorman sa Marian Radio Radyo Bandera usa ka sibyahan nga gipanag-iyahan sa mga pari.

Nakuha sa posisyon ni Jagos ang tulo ka sachet sa gituohang shabu ug mark money nga 500 pesos.


Gibutyag ni SPO4 Pedrito Galpo sa Lumbia police station nga taud taud na nilang gimonitor ang mga lihok ni Jagos.

Matud pa ni Galpo nga ilang ipaubos sa drug test ang radio anchor aron masayran kung migamit ba kini sa ginadiling druga.

Samtang gi-insester usab ni Jagos nga nadamay lamang siya sa hitabo ug wala namaligya sa shabu sukwahi sa gipasangil kaniya.

-o0o-
By: RadyoMaN Edgar Navarro

Facebook Comments